ᐱᓯᒪᔪᖅ ᑭᕙᓪᓕᕐᒥᑦ, ᓄᑭᒃᑯᑦ ᑲᒪᒋᔭᖃᖃᑦᑕᖅᑐᑦ ᐊᖏᔫᔪᓂᒃ ᐱᓕᕆᐊᒃᓴᓂᑦ ᐅᑭᐅᖅᑕᖅᑐᒥᑦ. ᓄᑭᒃᑯᑦ ᐱᒻᒪᕆᐅᑉᓗᓂ ᐱᓕᕆᐊᖓᑦ ᑭᕙᓪᓕᕐᒥᑦ ᖃᐅᒻᒪᖅᖁᑎᓕᐅᕆᓂᕐᒧᑦ-ᖃᕆᑕᐅᔭᒃᑰᕈᑎᒧᙵᕈᑎ (KHFL) – ᐊᓯᙳᖅᓯᔪᖅ, ᓯᕗᓪᓕᖅᐹᖅ-ᑕᐃᒪᓐᓇᐃᑦᑐᖅ ᐆᒻᒪᖅᖁᑎ ᐊᒻᒪᓗ ᐊᓕᒎᔭᖅ ᑲᑎᑎᑦᑎᑉᓗᓂ ᓄᓇᕗᒻᒥᑦ ᐊᒻᒪᓗ ᒫᓂᑑᐸᒥᑦ.
ᐱᕙᓪᓕᐊᑉᓗᑎᒃ ᐱᒋᐊᓪᓚᒃᓯᒪᓂᖓᓂᑦ KHFL, ᓄᑭᒃᑯᑦ ᐊᖏᒡᓕᕙᓪᓕᐊᓕᖅᑕᖓᑦ ᐊᒃᑐᖅᓯᓂᕆᔭᖓᓂᑦ. ᐃᓚᒋᔭᐅᔪᖅ ᓯᕗᓕᖅᑎᐅᓂᖏᓐᓄᑦ ᐱᖁᑎᓂᒃ ᐱᓕᕆᐊᓄᑦ ᐊᒻᒪᓗ ᓯᕗᓕᖅᑎᐅᓂᖏᓐᓄᑦ ᐊᕕᒃᑐᖅᓯᒪᔪᒥᑦ ᐃᓂᐅᔪᒥᑦ ᐆᒻᒪᖅᖁᑎᒧᑦ ᐸᕐᓇᐅᑕᐅᓂᖓᓄᑦ, ᓄᑭᒃᑯᑦ ᖃᐅᔨᒋᐊᕐᕕᐅᓂᕐᒧᑦ ᐱᔨᑦᑎᕋᐃᖃᑦᑕᖅᑐᑦ ᐃᑲᔪᕐᓗᑎᒃ ᐸᕐᓇᐃᓂᕐᒧᑦ ᐊᒻᒪᓗ ᐱᒋᐊᖅᑎᑦᑎᓂᕐᒥᒃ ᐊᖏᔫᔪᓂᒃ ᐱᓕᕆᐊᒃᓴᐅᔪᓂᒃ ᐅᐊᖕᓇᖅᐸᓯᖓᓂᑦ ᑲᓇᑕᒥᑦ.
ᐃᓄᐃᑦᓄᑦ ᐱᓕᕆᐊᖑᔪᖅ ᑯᐊᐳᕇᓴᐅᔪᖅ ᓴᖅᕿᑦᑎᓂᐊᕐᓗᑎᒃ ᐱᕈᖅᐸᓪᓕᐊᓂᕐᒥᒃ ᐱᕈᐃᑎᑦᑎᓂᕐᒥᑦ ᐱᕙᓪᓕᐊᔭᐅᓂᖏᑦᑎᒍᑦ ᐊᑐᖅᑕᐅᔪᖕᓇᖅᑐᓂᒃ ᐊᒻᒪᓗ ᐊᔪᙱᑦᑐᓂᒃ ᐱᖁᑎᓂᒃ ᐊᒻᒪᓗ ᑲᑎᑎᑦᑎᓂᐊᖅᑐᒥᒃ ᑭᕙᓪᓕᕐᒥᑦ ᐊᓯᖏᓐᓄᑦ ᑲᓇᑕᒧᑦ. 
ᐱᕈᖅᐸᓪᓕᐊᑎᓐᓂᐊᕐᓗᒍ ᐊᒻᒪᓗ ᐱᐊᓂᑦᑎᐊᖅᓯᒪᓂᐊᕐᓂᖓᓄᑦ ᓄᓇᕗᑦ, ᐊᑐᕐᓗᒋᑦ ᐱᒻᒪᕆᐅᒋᔭᕗᑦ ᓴᓗᒪᔪᒥᒃ, ᐊᔪᙱᑦᑐᒥᑦ ᐊᒻᒪᓗ ᑲᑎᓯᒪᔪᒥᒃ ᐊᕙᑎᒋᔭᕗᑦ ᓯᕗᓂᒃᓴᒧᑦ ᐊᑯᓂᐅᔪᒧᑦ.
ᓄᑭᒃᑯᑦ ᑲᒪᒋᔭᖓᑦ ᐱᔾᔪᑎᖃᖅᖢᑎᒃ, ᐱᓕᕆᐊᕆᐊᖑᖃᑦᑕᖅᑐᑦ ᑕᑯᒃᓴᐅᑎᑦᑎᔪᓂᑦ ᓄᓇᓕᖕᒥᑦ ᓯᕗᓪᓕᖅᐸᐅᑎᔭᐅᔪᒪᔪᓂᒃ ᐊᒻᒪᓗ ᓴᖅᕿᑦᑎᑉᓗᑎᒃ ᐊᑯᓂᐅᔪᒥᒃ ᐱᒻᒪᕆᐅᒋᔭᐅᔪᒥᑦ. ᐆᒻᒪᖅᖁᑎᒥᑦ ᐱᖁᑎᓄᑦ, ᐱᓕᕆᐊᕗᑦ ᐃᑲᔪᖃᑦᑕᖅᑐᖅ ᐊᒥᓱᓂᒃ-ᑭᖑᕚᕇᓂᑦ ᐱᕈᖅᐸᓪᓕᐊᓂᖏᓐᓂᑦ ᐊᒻᒪᓗ ᓴᙱᓂᖅᓴᐅᓂᐊᖅᑐᒥᒃ ᓯᕗᓂᒃᓴᖓᓂᑦ ᐅᑭᐅᖅᑕᖅᑐᒥᑦ.
ᓄᑭᒃᑯᑦ ᐃᑲᔪᖃᑦᑕᖅᑐᑦ ᐱᔪᖕᓇᖅᑎᑦᑎᓂᕐᒥᒃ ᐅᑭᐅᖅᑕᖅᑐᒦᑦᑐᓂᑦ ᓄᓇᓕᖕᓂᑦ ᖃᓄᖅᑑᕆᓂᒃᑯᑦ, ᓄᓇᓕᖕᒥᑦ ᑲᒪᒋᔭᐅᔪᓂᒃ ᐱᕙᓪᓕᐊᑎᑦᑎᓂᒃᑯᑦ. ᐃᓂᓕᐅᕆᑉᓗᑎᒃ ᐊᒻᒪᓗ ᓄᓇᖃᖅᖄᖅᑐᑦ ᓇᖕᒥᓂᖃᕐᓂᐊᕐᓗᑎᒃ ᐆᒻᒪᖅᖁᑎᒥᑦ ᐊᒻᒪᓗ ᐱᖁᑎᓂᒃ, ᓴᙱᒃᑎᒋᐊᖅᑎᑕᕗᑦ ᐱᕈᖅᐸᓪᓕᐊᓂᕐᒥᒃ ᐱᕈᖅᑎᑦᑎᓂᖅ ᐊᒻᒪᓗ ᐋᖅᕿᒡᓗᒍ ᐃᖕᒥᖕᓂᒃ-ᐊᑐᕈᖕᓇᕐᓂᖅᓴᐅᓂᐊᕐᓗᑎᒃ ᓯᕗᓂᒃᓴᖓᓂᑦ ᓄᓇᕗᑦ ᐅᑭᐅᖅᑕᖅᑐᒥᑦ.
ᓴᔪᒪᔪᒥᒃ ᐆᒻᒪᖅᖁᑎᒥᑦ ᓯᕗᒻᒧᒃᓯᒪᔪᒥᒃ ᐱᓕᕆᐊᖑᔪᒥᒃ ᐱᓕᕆᐊᖃᕐᓂᖅ, ᓄᑭᒃᑯᑦ ᐊᔪᙱᓐᓂᖃᖅᑐᑦ ᓄᑖᓂᒃ ᐋᖅᕿᒃᓱᖅᓯᒪᔪᓂᒃ ᓱᓕᓂᕆᔭᐅᔪᓂᒃ ᐅᑭᐅᖅᑕᖅᑐᒥᑦ. ᖃᓄᐃᖓᓂᐊᕐᓂᖓᓂᑦ ᐱᓕᕆᐊᖃᖃᑦᑕᖅᑐᑦ ᐊᒻᒪᓗ ᐋᖅᕿᒃᓯᓂᕐᓂᑦ ᐊᔪᙱᑦᑐᐃᓐᓇᙱᑦᑐᓂᒃ – ᐱᔪᖕᓇᓕᖅᑎᑦᑎᖃᑦᑕᖅᑐᑦ. 
ᐱᓕᕆᔨᕗᑦ ᓯᕗᓕᖅᑎᐅᔪᑦ ᐱᒋᐊᖅᑎᑦᑎᓂᕐᒥᒃ ᑲᑎᑎᓐᓂᐊᕐᓗᒍ ᓄᓇᕗᑦ ᐊᓯᖏᓐᓄᑦ ᑲᓇᑕᒧᑦ ᑲᑎᑎᓪᓗᒋᑦ ᖃᐅᔨᒪᓂᖃᕐᓂᖏᑦ ᐊᐅᓛᖅᑎᑦᑎᓂᕐᓄᑦ, ᐱᖃᖃᑕᐅᔪᓂᒃ ᐃᓚᐅᑎᑦᑎᖃᑦᑕᕐᓂᒃᑯᑦ, ᐊᒻᒪᓗ ᖃᓄᖅᑑᕆᓂᕐᒥᒃ ᐱᕙᓪᓕᐊᓂᒃᑯᑦ.
