ᐱᓕᕆᐊᖓ, ᐊᖓᔪᖅᖄᖑᑉᓗᓂ, ᐱᓕᕆᐊᕐᒥᑦ ᐸᕐᓇᐃᓂᕐᒧᑦ ᐊᒻᒪᓗ ᐱᓕᕆᐊᖃᕐᓂᕐᒧᑦ ᐱᕙᓪᓕᐊᓂᕐᒥᑦ ᐊᒻᒪᓗ ᐱᒋᐊᖅᑎᑦᑎᓂᕐᒥᒃ ᐱᓕᕆᐊᖃᖃᑦᑕᖅᑐᖅ ᐊᖏᔪᐊᓗᖕᓂᑦ ᐱᖁᑏᑦ ᐱᓕᕆᐊᓂᑦ. ᐱᕙᓪᓕᐊᑎᑦᑎᖃᑦᑕᖅᑐᖅ ᓇᖕᒥᓂᖅ ᐱᓕᕆᐊᖑᔪᓂᑦ ᐊᒻᒪᓗ ᐱᓕᕆᐊᕐᒧᑦ ᐸᕐᓇᐅᑎᓂᑦ, ᑕᒪᕐᒥᓗᒃᑖᖅ ᐱᓕᕆᐊᖑᓂᐊᖅᑐᑦ ᖃᓄᖅᑑᕆᓂᒃᑯᑦ ᓇᓕᒨᖓᑎᓪᓗᒋᑦ ᓄᓇᓕᖕᒧᑦ, ᑮᓇᐅᔭᓄᑦ, ᐊᒻᒪᓗ ᐊᐅᓛᖅᑎᑦᑎᓂᕐᒧᑦ ᑐᕌᒐᕆᔭᐅᔪᓄᑦ ᐱᒻᒪᕆᐅᔪᒧᑦ ᓄᓇᖅᖃᑎᒌᓂᒃ ᐱᕙᓪᓕᐊᑎᑦᑎᔪᒥᒃ ᐱᓕᕆᐊᕐᒧᑦ, ᐃᑲᔪᖅᖢᓂ ᐋᖅᕿᒃᓯᓂᕐᒥᒃ ᓴᓗᒪᓂᖅᓴᒥᒃ, ᑲᑎᓐᓂᖃᕐᓂᖅᓴᐅᔪᒥᒃ ᓯᕗᓂᒃᓴᖏᓐᓂᑦ ᓄᓇᕗᒻᒥᐅᑕᐃᑦ. ᑐᙵᕕᖃᖅᖢᓂ ᐃᑯᒻᒪᖅᖁᑎᓕᕆᓂᕐᒧᑦ ᓱᓇᑐᐃᓐᓇᓕᕆᓂᕐᒥᑦ ᐊᒻᒪᓗ ᐱᓕᕆᐊᖓ ᑭᑐᑐᐃᓐᓇᓄᑦ, ᓇᖕᒥᓂᖃᖅᑐᓄᑦ, ᐊᒻᒪᓗ ᓄᓇᖃᖅᖄᖅᑐᓂᒃ-ᐱᓕᕆᖃᑎᖃᕐᓂᕐᓂᑦ, ᐋᓐᑐᕉ ᑐᓂᓯᖃᑦᑕᖅᑐᖅ ᐃᒡᓗᒌᖓᔪᒥᒃ ᑕᐅᑐᒐᖃᕐᓂᕐᒥᑦ ᐱᓕᕆᐊᖅ ᐃᓗᐃᑦᑑᑦᑎᐊᖓᓂᐊᕐᓗᒍ, ᓄᓇᓕᖕᒥᐅᑕᐃᑦ ᐃᓚᐅᑎᓐᓂᐊᕐᓗᒋᑦ, ᐊᒻᒪᓗ ᑲᑎᑎᓪᓗᒋᑦ ᐱᓕᕆᐊᕆᓂᐊᕐᓗᒋᑦ ᐊᓯᐊᙳᖅᓯᓂᖃᖅᑐᒥᒃ ᐱᒻᒪᕆᐅᔪᒥᒃ ᓴᖅᕿᑦᑎᓂᕐᒧᑦ ᓯᕗᓂᒃᓴᒧᑦ ᐊᒥᓱᑦ ᐅᑭᐅᓄᑦ. AESO-ᒥᑦ ᐱᓕᕆᐊᕐᒥᑦ ᐊᐅᓚᑦᑎᓂᕆᓚᐅᖅᑕᖓᓂᑦ ᐱᒋᐊᖅᑎᑦᑎᑉᓗᓂ ᕗᑦᕼᐃᓪᔅ-ᓂᑦ ᓴᕕᒐᐅᔭᓂᒃ ᐱᕙᓪᓕᐊᓂᕐᒧᑦ ᑐᕌᖓᔪᒥᑦ (240 kV ᓴᕕᒐᐅᔭᐃᑦ, 240/138 kV ᐃᓚᒋᔭᐅᔪᖅ ᐃᓂᐅᔪᒧᑦ, ᑲᑎᑎᑦᑎᔪᖅ 860MW Shepard Energy Centre-ᒥᑦ ᐆᒻᒪᖅᖁᑎᖃᖅᑎᑦᑎᔪᒧᑦ) ᐊᒻᒪᓗ ᓯᕗᓕᖅᑎᐅᓂᖓ, ᐱᓕᕆᐊᕐᒥᑦ ᓇᒧᙵᐅᑎᑦᑎᓂᖓ, ᐊᒻᒪᓗ ᐊᐅᓚᑦᑎᓂᖅ ᐱᓕᕆᐊᓂᒃ LNGCanada-ᑯᓐᓂᑦ, ᐱᓕᕆᐊᖓᓂᑦ ᑕᑯᒃᓴᐅᔪᑦ ᓴᙱᔪᒥᒃ ᓇᓕᒨᖓᓂᖓ ᐊᕙᑎᒥᒃ ᐱᔭᒃᓴᐅᑎᖃᕐᓂᕐᒧᑦ ᐊᒻᒪᓗ ᐋᖅᕿᖃᑎᒌᖕᓂᕐᒧᑦ. ᐋᓐᑐᕉ ᖃᐅᔨᒪᔭᐅᔪᖅ ᐱᓕᕆᐊᖃᖃᑦᑕᕐᓂᕐᒥᒃ ᐊᖏᔫᔪᓂᒃ ᐱᓕᕆᐊᓂᑦ ᖃᐅᔨᒪᓂᖃᕐᓂᒃᑯᑦ, ᐱᓕᕆᖃᑎᒌᖕᓂᒃᑯᑦ, ᐊᒻᒪᓗ ᐱᔾᔪᑎᖃᕐᓂᒃᑯᑦ. ᖃᐅᔨᒪᓂᖃᕐᓂᖓᓄᑦ, ᐃᓅᓯᓗᒃᑖᖓᓂᑦ ᐃᓕᓐᓂᐊᖅᑎᐅᑉᓗᓂ, ᐋᓐᑐᕉ ᐃᓕᑕᕆᔭᐅᔾᔪᑎᖃᖅᑐᖅ ᓴᕕᒐᐅᔭᓂᒃ ᓱᓇᑐᐃᓐᓇᓕᕆᔨᐅᓂᕐᒧᑦ, ᐃᓕᑕᕆᔭᐅᔾᔪᑎᖃᖅᖢᓂ ᓇᓗᓇᐃᒃᑯᑕᕐᒥᑦ ᐱᓕᕆᐊᕐᒥᒃ ᐊᐅᓚᑦᑎᓂᕐᒧᑦ, ᐱᑖᖅᑎᑕᐅᓯᒪᔪᖅ MBA-ᖓᓂᑦ, ᐊᒻᒪᓗ ᐃᓚᒋᔭᐅᖏᓐᓇᖅᑐᖅ ᐱᓕᕆᐊᕐᒥᒃ ᐊᐅᓚᑦᑎᓂᕐᒧᑦ ᐱᓕᕆᐊᖃᕐᓂᕐᒥᒃ ᓄᓇᓕᖕᒥᑦ. ᓯᓚᑖᓂᑦ ᐱᓕᕆᐊᖓᓂᑦ, ᐃᑲᔪᕈᒪᑦᑎᐊᖅᑐᖅ ᐃᓕᓐᓂᐊᖅᑐᓂᒃ, ᐱᔨᑦᑎᕋᕐᓗᒍ ᓄᓇᓕᖓ, ᐊᒻᒪᓗ ᖁᕕᐊᒋᔭᖃᖅᑐᖅ ᐱᓕᕆᖃᑦᑕᐃᓐᓇᕐᓂᕐᒥᒃ. ᐊᖏᔪᒥᒃ ᐊᓕᐊᓇᐃᒋᔭᖓ ᐱᑦᑕᐅᔪᒃᑯᑦ ᐊᒻᒪᓗ ᓯᓚᒦᖃᑎᒋᓗᒋᑦ ᒪᕐᕉᒃ ᓄᑕᕋᖏᑦ ᐊᒻᒪᓗ ᓄᓕᐊᖓ.
