15 ᐅᑭᐅᑦ ᐅᖓᑖᓄᑦ ᐱᓕᕆᓂᑯᖃᖅᖢᓂ ᓄᓇᒥᑦ ᐱᕝᕕᐅᖃᑦᑕᖅᑐᓄᑦ ᐊᒻᒪᓗ ᐱᖁᑎᓕᕆᓂᕐᒧᑦ ᐱᓕᕆᐊᖃᖅᑐᓂᑦ, ᐱᓕᕆᐊᖃᖃᑦᑕᖅᑐᖅ ᐋᖅᕿᒃᓯᓂᕐᒥᒃ ᓄᑖᓂᒃ, ᐊᖏᔫᔪᓂᒃ ᐱᓕᕆᐊᒃᓴᓂᒃ ᐃᑲᔪᖅᑐᓂᒃ ᓄᓇᖃᖅᖄᖅᑐᑦ ᓯᕗᓕᖅᑎᓄᑦ ᐊᒻᒪᓗ ᐊᔪᙱᓐᓂᒃᑯᑦ ᐊᕕᒃᑐᖅᓯᒪᔪᒥᑦ ᐃᓂᐅᔪᒥᑦ ᐱᕙᓪᓕᐊᓂᕐᒧᑦ. ᓄᑭᒃᑯᓐᓂᑦ, ᐱᒋᐊᖅᑎᑦᑎᓯᒪᔪᖅ ᐱᒻᒪᕆᐅᔪᒥᒃ ᐱᓕᕆᐊᕐᒥᑦ, ᐃᓚᐅᑉᓗᓂ ᑭᕙᓪᓕᕐᒥᑦ ᖃᐅᒻᒪᖅᖁᑎᓕᐅᕆᓂᕐᒧᑦ-ᖃᕆᑕᐅᔭᒃᑰᕈᑎᒧᙵᕈᑎ (KHFL) – ᓯᕗᓪᓕᖅᐹᖅ-ᑕᐃᒪᓐᓇᐃᑦᑐᖅ ᐱᓕᕆᐊᖅ ᐊᑐᖅᑕᐅᒃᑲᓐᓂᕈᖕᓇᖅᑐᒥᒃ ᐃᑯᒻᒪᖅᖁᑎ ᐊᒻᒪᓗ ᐊᓕᒎᔭᖅ ᖃᕆᑕᐅᔭᒃᑰᕈᖕᓇᐅᑎᒥᒃ ᓄᓇᕗᒻᒧᑦ – ᐊᑕᐅᑦᑎᒃᑯᑦ ᐱᓕᕆᐊᖃᕐᕕᐅᔪᓂᑦ ᐱᓕᕆᖃᑎᒌᖕᓂᕐᒥᒃ ᐊᒻᒪᓗ ᐋᖅᕿᒃᓯᓯᒪᓂᕐᒧᑦ ᒐᕙᒪᑐᖃᒃᑯᓐᓂᑦ, ᑲᓇᑕᐅᑉ ᓄᓇᖏᑦ ᐊᕕᒃᑐᖅᓯᒪᔪᖏᓐᓂᑦ, ᐊᒻᒪᓗ ᐃᓄᖕᓂᑦ ᐃᑲᔪᐃᓂᕐᒧᑦ. ᓯᕗᓂᕐᒥᑦ, ᐋᓐ-ᕋᕙᐃᐊᓪ ᐊᖓᔪᖅᖄᕐᔪᐊᖑᓚᐅᖅᑐᖅ WaterPower Canada-ᑯᓐᓄᑦ, ᓴᙱᒃᑎᒋᐊᖅᓯᓚᐅᖅᑐᖅ ᐊᐅᓚᑦᑎᔨᒃᑯᑦ ᑲᑐᔾᔨᖃᑎᒌᒃᑯᑦ ᐱᑎᑦᑎᓂᖓᓐᓂᒃ, ᐊᒥᓱᙳᕆᐊᖅᑎᖦᖢᒋᑦ ᐃᓚᒋᔭᐅᔾᔪᑏᑦ, ᐊᒻᒪᓗ ᐃᑲᔪᖅᖢᓂ ᐋᖅᕿᒃᑕᐅᓂᖓ ᐆᒻᒪᖅᖁᑎᓕᐅᕆᓂᖅ ᑐᙵᕕᒋᔭᐅᑦᑎᐊᕐᓂᖓᓄᑦ ᑲᓇᑕᒥᑦ ᓴᓗᒪᔪᒥᒃ ᐆᒻᒪᖅᖁᑎᒧᑦ ᓯᕗᓂᒃᓴᖓᓂᑦ. ᐃᓕᑕᕆᔭᐅᓯᒪᔪᖅ ᐃᓱᒪᓂᒃᑯᑦ ᓯᕗᓕᖅᑎᐅᓂᕐᒧᑦ, ᑕᑯᒃᓴᐅᒐᔪᓚᐅᖅᑐᖅ ᑲᓇᑕᒥᑦ ᑐᓴᒐᒃᓴᓂᑦ ᐊᒻᒪᓗ ᐊᑐᐊᒐᓕᕆᓂᕐᒧᑦ ᑲᑎᒪᔪᓂᑦ, ᐊᒻᒪᓗ ᐃᑲᔪᖅᓯᒪᔪᖅ ᖃᑉᓯᐊᕐᔪᖕᓂᑦ ᑲᑎᒪᔨᐅᔪᓂᑦ ᐊᒻᒪᓗ ᐃᓱᒪᒃᓴᖅᓯᐅᕆᖃᑦᑕᖅᑐᓂᒃ ᑕᐅᑐᒐᖃᖅᑐᓂᒃ ᐊᔪᙱᓐᓂᐊᖅᑐᒥᑦ, ᓄᓇᖃᖅᖄᖅᑐᑦ ᐱᓕᕆᖃᑎᒋᔭᐅᔪᓂᒃ, ᐊᒻᒪᓗ ᐆᒻᒧᖅᖁᑎᒥᑦ ᐊᓯᐊᓄᐊᖅᓯᓂᕐᓄᑦ. ᑎᒃᑯᐊᖅᑕᐅᓚᐅᖅᑐᖅ ᑲᓇᑕᒥᑦ ᒐᕙᒪᒃᑯᓐᓂᑦ
ᐅᐊᖕᓇᖓᓄᑦ ᐊᒥᐊᓕᑲᒥᑦ ᑲᑎᒪᔨᓄᑦ ᐊᕙᑎᓕᕆᓂᕐᒧᑦ ᐱᓕᕆᖃᑎᒌᖕᓂᕐᒧᑦ – ᐊᑕᐅᑦᑎᒃᑯᑦ ᑭᑐᑐᐃᓐᓇᓂᒃ ᐅᖃᐅᔾᔨᓂᕐᒧᑦ ᑲᑎᒪᔨᓄᑦ (JPAC), ᐊᒻᒪᓗ ᓂᕈᐊᖅᑕᐅᓚᐅᖅᑐᖅ ᐃᒃᓯᕙᐅᑕᐅᑉ ᐃᓂᖓᓄᑦ 2025-ᒥᑦ, ᐃᑲᔪᖅᑐᐃᑉᓗᑎᒃ ᐱᖓᓱᐃᖓᔪᒃᑯᑦ ᐱᓕᕆᖃᑎᒌᖕᓂᕐᒥᒃ ᓯᓚᑉᑎᖕᓂᑦ ᐊᒻᒪᓗ ᐊᕙᑎᒥᒃ ᒥᐊᓂᖅᓯᓂᕐᒧᑦ ᐊᑯᓐᓂᖏᓐᓂᑦ ᒥᐊᒃᓯᑯ, ᑲᓇᑕ ᐊᒻᒪᓗ ᐊᒥᐊᓕᑲᐃᑦ.
