ᑕᐃᕕᑦ, ᐱᕈᖅᓴᓚᐅᖅᑐᖅ ᑲᖏᖅᖠᓂᕐᒥᑦ, ᓴᒃᑯᒃᑯᓐᓄᐊᓚᐅᖅᑐᖅ ᖃᐅᔨᒪᓂᖃᑦᑎᐊᖅᖢᓂ ᓇᖕᒥᓂᖅ ᐱᓕᕆᐊᖃᕐᓂᕐᒥᑦ, ᐃᓄᐃᑦ ᐊᐅᓚᑦᑎᔨᓂᑦ ᑲᑐᔾᔨᖃᑎᒌᓂᑦ ᐊᒻᒪᓗ ᒐᕙᒪᒃᑯᓐᓂᑦ ᐃᓚᐅᑉᓗᑎᒃ ᐊᒥᓱᐃᑦ ᑲᑎᒪᔨᓄᑦ ᑎᒃᑯᐊᖅᑕᐅᖃᑦᑕᖅᓯᒪᓂᖓ 28 ᐅᑭᐅᓄᑦ ᐱᓕᕆᐊᖅᑖᖅᑎᑕᐅᑉᓗᓂ ᐊᒻᒪᓗ ᖃᐅᔨᒪᓂᖃᕐᓂᕐᒥᒃ ᐱᓕᕆᓐᓂᑯᖃᕐᓂᕐᒥᒃ. ᒥᔅᑕ ᖃᑯᖅᑎᓐᓂᖅ ᐱᒻᒪᕆᐅᑉᓗᓂ ᐃᓚᒋᔭᐅᓱᒪᔪᖅ ᓴᒃᑯᒃᑯᓐᓄᑦ ᑕᐃᒪᙵᓂᑦ ᐊᒥᕋᐃᔭᕐᕕᒃ 2012-ᒥᑦ, ᐊᖓᔪᖅᖄᖑᓚᐅᖅᖢᓂ ᐊᐅᓛᖅᑎᑦᑎᓂᕐᓄᑦ (2012-2015), ᐊᖓᔪᖅᖄᒧᑦ-ᑐᖏᓕᕆᔭᐅᓕᖅᓗᓂ (2015-2016), ᐊᒻᒪᓗ ᐊᖓᔪᖅᖄᕐᔪᐊᙳᖅᑎᑕᐅᑉᓗᓂ ᓇᑦᑎᐊᑦ 2016-ᒥᑦ ᐅᑉᓗᒥᒧᑦ ᑎᑭᖦᖢᒍ. ᒫᓐᓇᐅᔪᖅ ᐱᔭᒃᓴᐅᑎᖃᕐᕕᒋᔭᖏᑦ, ᒥᔅᑕ ᖃᑯᖅᑎᓐᓂᖅ ᐃᓚᐅᖃᑕᐅᖃᑦᑕᖅᑐᖅ ᐊᔾᔨᒌᙱᑦᑐᓂᑦ ᐱᓕᕆᐊᖃᕐᕕᐅᔪᓂᑦ ᐊᒻᒪᓗ ᑲᑎᒪᔨᐅᑉᓗᓂ ᐊᐅᓚᑦᑎᓂᕐᒧᑦ ᐊᒻᒪᓗ ᐊᐅᓛᖅᑎᑦᑎᓂᕐᓄᑦ 20-ᓂᑦ ᐊᑕᐅᑦᑎᒃᑯᑦ ᐱᓕᕆᐊᖃᖅᑐᓄᑦ ᑲᒻᐸᓂᓂᑦ. ᐃᓚᐅᑉᓗᓂ, ᐊᑎᖃᖅᑐᖅ ᐊᖓᔪᖅᖄᖅ ᓴᒃᑯ ᐊᓐᑐᐳᕋᐃᔅ ᓕᒥᑎᑦᑯᓐᓄᑦ ᐊᒻᒪᓗ ᓴᒃᑯ ᐱᑖᖅᑐᕐᓂᕐᒧᑦ ᐊᐅᓚᑦᑎᔨᒃᑯᓐᓄᑦ. ᐱᒻᒪᕆᐅᒋᔭᐅᔪᓄᑦ ᐃᓄᖕᓄᑦ, ᑕᐃᕕᑦ ᓯᕗᓕᖅᑎᐅᓂᕐᒧᑦ ᐱᓕᕆᐊᖃᖃᑦᑕᕐᒥᔪᖅ ᐅᑭᐅᖅᑕᖅᑐᓗᒃᑖᒥᑦ ᐃᓄᐃᑦ ᐃᓂᓕᐅᕆᓂᕐᒧᑦ (PAIL) ᑲᒻᐸᓂᓄᑦ, ᐊᒻᒪᓗ ᐅᐃᒍᒋᐊᖅᓯᒪᓂᒃᑯᑦ ᓇᓯᑦᑐᖅ ᐊᐅᓚᑦᑎᔨᒃᑯᓐᓄᑦ, ᐃᓚᐅᖃᑕᐅᑉᓗᓂ ᐱᔨᑦᑎᕋᐅᑎᖃᖅᑎᑦᑎᓂᕐᒥᒃ ᐅᓇᑕᖅᑐᒃᓴᓄᑦ ᐊᓘᑦᒥᑦ ᐊᒻᒪᓗ ᐃᓚᐅᖃᑦᑕᖅᓯᒪᔪᖅ ᐅᐊᖕᓇᒥᑦ ᖃᐅᔨᑎᑦᑎᓂᕐᒧᑦ ᐋᖅᕿᐅᒪᔪᒥᑦ. ᑕᐃᒪᓐᓇᐃᑦᑐᓂᒃ ᐱᓕᕆᖃᑎᒌᖕᓂᐅᔪᑦ ᐊᒃᑐᐊᓂᖃᖅᑐᑦ ᐱᓯᒪᓂᖏᓐᓄᑦ ᑲᓇᑕᓗᒃᑖᕐᒥᑦ ᐃᓄᐃᑦ ᒐᕙᒪᓕᕆᓂᖏᓐᓄᑦ ᐊᒻᒪᓗ ᐱᕈᖅᐸᓪᓕᐊᓂᕐᒧᑦ ᐱᓕᕆᐊᖑᔪᓂᒃ ᓲᕐᓗ ᐃᓄᐃᑦ ᐱᕙᓪᓕᐊᔪᓕᕆᔨᒃᑯᑦ ᑲᑐᔾᔨᖃᑎᒌᒃᑯᓐᓂᑦ (IDCA).
